धादिङ ।
नेकपा एमाले जिल्ला पार्टी कार्यालयमा तालाबन्दी गरिएकाे छ ।
नेकपा एमाले धादिङ २ नम्बरकाे उम्मेदवार छनाैटमा विभेद गरेकाे भन्दै एमाले कार्यकर्ताले जिल्ला पार्टी कार्यालयमा तालाबन्दी गरेकाे हाे ।
नेकपा एमाले केन्द्रीय सचिवालयले धादिङ क्षेत्र नम्बर २ का लागि संविधानसभा सदस्य समेत रहेका एमाले नेता धनबहादुर घलेलाई उम्मेदवार सिफारिस गरेकाे थियाे ।
तर साे निर्णय उल्टाउदै साेमबार घलेकाे नाम हटाएर चन्द्र रिजाललाई टिकट दिएपछि पहिलाकाे निर्णय कार्यान्वयन गर्न माग गर्दै तालाबन्दी गरेकाे झार्लाङका एमाले कार्यकर्ता इमान तामाङले जानकारी दिनुभयाे ।
गंगाजमुना, खनियाबास, रुबीभ्याली, त्रिपुरासुन्दरी, लगायतका एमाले कार्यकर्ताले तालाबन्दी गरि कार्यालयमा धर्ना समेत दिएका छन् ।
धनबहादुर घलेकाे नाममा पार्ले टिकट दिनुपर्ने र पछि गरिएकाे निर्णय सच्याउनुपर्ने एमाले २ नम्बर क्षेत्रका कार्यकर्ताकाे भनाई छ ।
