धादिङ ।
ठाकुरप्रसाद शर्मा प्रतिष्ठानद्वारा आयोजित ठाकुरप्रसाद शर्मा शिक्षा पुरस्कार र दुर्गा साहित्य पुरस्कार समर्पण समारोह भव्य र सभ्य रूपमा सम्पन्न भएको छ । आफ्नो जीवनकाे ६० वर्ष विद्यालय तथा महाविद्यालय तहको शैक्षिक विकासमा योगदान गर्नुहुने चितवनका टेकबहादुर थापा क्षेत्रीलाई र धादिङकी उदीयमान साहित्यकार दुर्गा रिजाल `सुरभि´ लाई दुर्गा साहित्य पुरस्कार समर्पण गरिएकाे हाे ।
धादिङको पहिलो हाईस्कुल हाल आदर्श मावि गजुरी” स्थापना भएको ५७ वर्षपछि संस्थापक “हेडमास्टर” ठाकुरप्रसाद शर्माकाे नाममा स्थापना गरिएकाे ठाकुरप्रसाद शर्मा प्रतिस्ठानले कार्यममा पुरस्कार काेष स्थापना गरि पुरस्कार वितरण गरेकाे हाे ।
संस्थाले अक्षयकोषको व्याजबाट रू. ५१ हजार राशीकाे पुरस्कार अर्पण गरिएकाे प्रतिष्ठानका अध्यक्ष डा. सदानन्द कँडेलले बताउनुभयाे ।
कार्यक्रममा संस्थापक हेडसर ठाकुरप्रसाद शर्मा, संस्थापक शिक्षकहरू प्रा. डा. कृष्णप्रसाद गौतम, सुमनदास श्रेष्ठ, बिष्णुकुमार श्रेष्ठ, खेमराज उप्रेती र टीकाबहादुर उप्रेती एवम् संस्थापक सन्चालक समितिका सचिव पुरुसोत्तमदास श्रेष्ठ, साम्सद एव साेहि विद्यालउका पूर्व शिक्षक तथा वूर्व मुख्यमन्त्री राजेन्द्र पाण्डे, पुर्व शिक्षक तथा पूर्व राजदुत विष्णु पुकार श्रेष्ठ, प्रा. डा. रामचन्द्र लम्साल पुरस्कृत व्यक्तित्वहरू, दुर्गा साहित्य पुरस्कारका संस्थापक शिवप्रसाद अधिकारीले शुभकामना मन्तव्य दिनु भएको थियो |
प्रतिष्ठानको मापदण्ड अनुसार शिक्षाविद् प्रा. डा. विद्यानाथ कोइरालाको संयोजकत्वमा रहेको सिफारिस समितिको सिफारिसमा शिक्षा पुरस्कार र साहित्यकार प्रा. डा. रामचन्द्र लम्सालको संयोजकत्वमा रहेको सिफारिस समितिको सिफारिसमा साहित्यको पुरस्कार पाउनुहुने व्यक्तित्वको छनोट गरिएको थियो | 
ठाकुरप्रसाद शर्मा प्रतिस्ठानका आजीवन सदस्यहरूद्वारा अक्षयकोषमा ३३ लाख ४५ हजारभन्दा बढी रकम जम्मा भएको छ ।
“कोषको एक सुका पनि हामी चलाउने छैनौं । केवल व्याजको रूपमा प्राप्त रकमबाट मात्र पुरस्कार तथा अन्य खर्च गरिनेछ । संस्थाको दिगोपनाको लागि हामी प्रतिबद्ध छौँ ।” अध्यक्ष कँडेलले बताउनुभयाे ।
पुरस्कार समर्पण समारोहका प्रमुख अतिथि त्रिभुवन विश्वविद्यालयका पूर्व उपकुलपति, पूर्वराजदूत तथा शिक्षाविद् केदारभक्त माथेमाले खुसी व्यक्त गर्दै भन्नुभयाे -“हेडसरको नाममा विद्यार्थीहरूले प्रतिष्ठान खोल्नुभयो । म गदगद भएँ । यो ठूलो काम हो । शिक्षक सम्मानित भएमात्र शिक्षा राम्रो हुन्छ । प्रतिष्ठानको दिगोपनामा विशेष ध्यान दिनुपर्छ ।”
कार्यक्रमका विशिष्ट अतिथिकाे रूपमा सम्बोधन गर्दै ठाकुरप्रसाद शर्माले भावुक हुँदै भन्नुभयो, “आयोजक संस्थाको नाम लिँदा आफ्नै नाम भन्नुपर्यो । मेरो नाममा मात्रै हैन ८ जना शिक्षकका नाममा आदर्श शिक्षक पुरस्कार र ५ जना संचालक समितिको नाममा आदर्श शिक्षासेवी पुरस्कार पनि स्थापना भएको रहेछ । म आफ्ना विद्यार्थीहरूप्रति गर्व गर्दछु ।”
डा. सदानन्द कडेल सभापतित्वमा महासचिव कृष्णराज सिलवालद्वारा संचालित कार्यक्रममा जगन्नाथ तिमिल्सिनाले पुरस्कृत व्यक्तित्वहरूको परिचय गराउनु भएको थियो भने उपाध्यक्ष महेन्द्र कुमार शर्मा पठकले स्वागत र कार्य समिति सदस्य देवकी तिमल्सिनाले धन्यवाद ज्ञापन गर्नुभएको थियो |
खेतकाे आलीमा र रुखकाे फेदमा बसेर सुरु भएकाे आदर्श मावि हाल उच्चमावि संचालनमा छ ।
