माधव पराजुली,  पोखरा
नेपाल स्थित चिनियाँ कार्यवाहक राजदुत वाङ सिनले हिमाल पारी अन्तरदेशिय रेलमार्ग निर्माण गर्न नेपाल सँग काम गर्न आफुहरु आतुर रहेको बताउनुभएको छ । आइतबार पोखरा अन्तर्राष्ट्रिय विमानास्थलको उद्घाटन समारोहलाई सम्बोधन गर्दै राजदुत वाङ सिनले चीन–नेपाल अन्तरदेशिय रेलमार्ग निर्माण नेपाल सरकार र नेपाली जनताको अपक्षा भएकोले यसको काम सँगै गर्न आफुहरु तयार रहेको बताउनुभएको हो । दुई देशका नेता बिच भएको सहमति अनुसार चीनले नेपालको सिमा पार रेलमार्गको सम्भाव्यता अध्ययनमा सहयोग पु¥याउन नेपाललाई दिएको सहायता प्रयोग गर्न चिन सहमत भएको राजदुत सिनले बताउनुभयो । उक्त अन्तरदेशिय रेलमार्गको महत्वपूर्ण चरणमा थप अध्ययनका लागि चिनियाँ प्राविधिक टोली भर्खरै नेपाल आएको जानकारी दिदै भूपरिवेष्ठित मुलुक बाट भूजडित मुलुक बन्ने नेपालको सपना साकार हुने उहाँले बताउनुभयो ।
चिनियाँ का.वा. राजदुत वाङ सिनले चीन–नेपाल आयात–निर्यात दिगो सम्बन्धको निर्माण गर्न चिनले सधैँ हातेमालो गर्ने बताउनुभयो । चिनियाँ पक्षले चिन–नेपाल बन्दरगाह आयात निर्यात कार्यलाई निर्बाध राख्न कडा मिहनत गरेको बताउदै अरनिको राजमार्ग तेस्रो चरणको कार्य पनि सफलतापूर्वक सम्पन्न भएको बताउनुभयो । उहाँले केरुङ–बन्दरगाहले हालै दुईतर्फी ढुवानी कार्य सुचारु गरे सँगै नेपाली सामानले भरिएका सवारी साधान चिन प्रवेश गरेको र अब नेपाली उत्पादनहरु चीन निकासी हुने बताउनुभयो । कार्यवाहक राजदुत वाङ सिनले यी कामहरुले चीन–नेपाल व्यापारमा नयाँ वसन्त शुरु हुने विश्वास समेत व्यक्त गर्नुभयो ।