धादिङ ।
दक्षिणपूर्वी धा दिङको धुनिवेशी नगरपालिका–९ मरणघाटस्थित धान खेतमा अन्दाजी ३०-३५ वर्ष उमेरका अज्ञात पुरुषको शव फेला परेको छ।
इलाका प्रहरी कार्यालय खानिखोलाका अनुसार शव कालो वर्णको, मोटो शरीर भएको र उचाइ करिब ५ फिट ४ इन्च रहेको छ। मृतकले तल हरियो रंगको ट्रयाक, माथि खैरो रंगको भेष्ट लगाएका थिए। घाँटीमा बुट्टीमाला रहेको र अनुहार मंगोलियन देखिने बताइएको छ।
शव सड्न लागेकाे अवस्थामा भेटिएकाले हालसम्म सनाखत हुन सकेको नसकेकाे धुनीबेसी नगरपालिका वडा नम्बर ९ का वडा सदस्य बिक्रमजंग रानाले जानकारी दिनुभयाे ।
प्रहरीले उक्त हुलियाका व्यक्ति तपाईंको वरपर वा गाउँबाट हराएका भए जानकारी दिन अनुरोध गरेको छ।
शवको पहिचानका लागि वा कसैले चिन्ने भएमा नजिकको प्रहरी कार्यालयमा सम्पर्क गर्न वा जिल्ला प्रहरी कार्यालय धादिङ वा इलाका प्रहरी कार्यालय खानिखोला धादिङमा सम्पर्क गर्न सकिने जनाएकाे छ ।
(तस्विर श्राेत बिक्रमजंग राना)
