एमाले प्रदेश समन्वय कमिटी बैठक: जनताको दैलाेमा पुग्ने खाका तयारी

एमाले प्रदेश समन्वय कमिटी बैठक: जनताको दैलाेमा पुग्ने खाका तयारी

  • Kandara Samachar

  • बुधबार, साउन २९, २०८२

  • 104
    SHARES
एमाले प्रदेश समन्वय कमिटी बैठक: जनताको दैलाेमा  पुग्ने  खाका तयारी
धादिङ 
नेकपा (एमाले) धादिङ-१ (१) प्रदेश निर्वाचन क्षेत्र समन्वय कमिटीको प्रथम समन्वयात्मक बैठक  मंगलबार धार्केमा सम्पन्न भएको छ ।
नेकपा एमाले धादिङ जिल्ला कमिटी सचिबालय सदस्य एवम प्रदेश समन्वय कमिटी   संयोजक गोकर्ण रुपाखेतीको अध्यक्षता भएको कार्यक्रमको  नेकपा एमाले स्थायी कमिटी सदस्य एवम नेकपा एमाले बाग्मती प्रदेश कमिटि इन्चार्ज राजन भट्टराईकाे प्रमुख आतिथ्यमा भएको  थियो ।
 नेकपा एमाले केन्द्रिय कमिटी सदस्य एवम् धादिङ इन्चार्ज खेमप्रसाद लोहनी, केन्द्रिय सदस्य जानुका सिम्खडा, जिल्ला अध्यक्ष भूमि त्रिपाठी,नेपाल बौद्धिक परिषदका केन्द्रिय अध्यक्ष गजेन्द्र थपलिया बागमती प्रदेश कमिटीका नरेश खतिवडा, कृष्णप्रसाद पन्त, जिल्ला कमिटी उपसचिव उर्मिला रेग्मी,भक्त बहादुर लामिछाने लगायतका नेताहरुको आतिथ्य रहेको थियो ।
बैठकले जनसरोकारका बिषयमा पालिका भित्र भएकाे कामका बिषयमा पालिका कमिटीले अपडेट गरि सबै पार्टी सदस्य बिचमा सचेतना प्रवाह गर्ने निर्णय गरेको छ ।

यसै गरी  हाल सम्म सबै वडा अधिबेशन सम्पन्न भएको टाेल कमिटी ८० प्रतिशत गठन भएको अवस्थामा साे कमिटी परिचालन,पालिका कमिटी,सचिवालयकाे नियमितता साथै जनसरोकारका बिषयमा जनताको दैलाेमा नेकपा एमाले पुग्ने बिषयमा खाका सहितको ६ महिने कार्ययोजना निर्माण गरिएको संयोजक रुपाखेतीले वताउनु भयो ।

कार्यशालामा सामुदायिक पुर्बाधार,आर्थिक क्षेत्र ,सामाजिक क्षेत्रमा  पार्टीको तर्फबाट तीनवटै पालिकाकाे समूह छलफल गरि साझा मुद्दामा आपसी सहकार्यका बिषयमा विस्तृत छलफल गरि सितापाईला गल्छी लामिडाडा सडक,त्रिशूली र महेश खाेलाकाे किनार हुदै बैकल्पिक मार्ग निर्माण, प्रत्येक पालिकामा आधारभुत अस्पताल , प्राबिधिक बिद्यालय , साझा ल्याण्डफिल साईट निर्माण ,चन्द्रागिरि शक्तिखाेर पदमार्ग निर्माणमा पहल गरि पर्यापर्यटनकाे बिकास ,प्राऔद्योगिक शिक्षालय ,सडक पुर्बाधार,धार्मिक पर्यटनकाे साथै कृषिमा आधारित ब्यवसायलाई राजमार्गको हाेटल ब्यवशाय ब्यवस्थापन मा कसरी जाेड्ने बिषयमा अनुसन्धान गरि  ठाेस याेजना निर्माण गरि सम्पन्न गरिएको छ ।

कार्यक्रमका सहभागीहरुलाई रामहरि थापाले स्वागत गर्नु भएको थियो भने  राजेन्द्र लामा राजिबले सञ्चालन गर्नु भएको थियो । कार्यक्रममा प्रदेश कमिटी ,जिल्ला कमिटी ,पालिका पदाधिकारी,वडा अध्यक्ष,पालिका अध्यक्ष साथै जनवर्गीय संगठन का पालिका,प्रदेश र केन्द्रीय कमिटीमा प्रतिनिधित्व गर्ने नेताहरुको  सहभागीता रहेको थियो ।


सम्बन्धित समाचार

© copyright 2025 and all right reserved to Kandara Samachar