काठमाडौ ।
बागमती प्रदेशका मुख्यमन्त्री इन्द्रबहादुर बानियाँले विश्वासको मत प्राप्त गरेका छन् । मंगलबार बसेको प्रदेशसभा बैठकमा बानियाँले विश्वासको मत पाएका हुन्। बागमती प्रदेशसभाको दोस्रो कार्यकाल छैटौं अधिवेशनको २० औं बैठकले बानियाँलाई विश्वासको मत दिएको हो ।
कुल १ सय १० सदस्यीय प्रदेशसभामा विश्वासको मतका लागि ५६ सांसद्को मत आवश्यक पर्नेमा उनले एमाले र कांग्रेसका सांसद्हरुको ६३ मत प्राप्त गरे । प्रदेशसभा बैठकमा उपस्थित ९२ सदस्यमध्ये उनको विपक्षमा २२ मत परेको भएको छ भने ७ मत तटस्थमा परेको छ । बानियाँ साउन २० गते प्रदेशका छैठौं मुख्यमन्त्री नियुक्त भएका थिए ।
बानियाँलाई सत्तासाझेदार दलहरु कांग्रेसका ३७ मध्ये ३६ र एमालेका २७ गरी ६३ सांसद्ले विश्वासको मत दिएका छन् । विश्वासको मत प्राप्त गर्न ५६ सांसद्को समर्थन आवश्यक रहेकामा मुख्यमन्त्री बानियाँले ६३ मत पाएका छन् । मुख्यमन्त्री बानियाँलाई विश्वासको मत नदिने भन्दै घुक्र्याएका पूर्वमुख्मन्त्री बहादुरसिंह लामा पक्षका १३ सांसद्समेत विश्वासको मत दिन बाध्य भएका छन् ।
मुख्यमन्त्री बानियाँले नेपालको संविधानको धारा १६८ को उपधारा ४ तथा प्रदेशसभा नियमावली २०७४ को नियम १४३ को उपनियम ४ बमोजिम आफूमाथि प्रदेशसभाको विश्वास छ भनी राखेको विश्वासको मतसम्बन्धि प्रस्ताव बहुमतले पारित भएको हो ।
मुख्यमन्त्री बानियाँले विश्वासको मत माग्ने क्रममा भने–भाषणबाट होइन, सरकारका कामबाट प्रमाणित गर्न प्रतिबद्ध रहेकाे बताउनुभएको छ ।
