प्रविण रिजाल/ काठमाडौं
सरकारले मन्त्रिपरिषद् बैठकका निर्णय सार्वजनिक गरेको छ ।
सरकारका प्रवक्ता एवम् सूचना तथा सञ्चार प्रविधि मन्त्री पृथ्वी सुब्बा गुरुङले मन्त्रिपरिषद्को बैठकका १८ निर्णय सार्वजनिक गरेका हुन् ।
नेपाल लसरकारले मन्त्रिपरिषद्काे साउन २६ गतेकाे बसेकाे बैठकका निर्णय अनुसार नागढुङ्गा सुरुङमार्गको उपभोग दस्तुर ताेकेकाे छ ।
कार/भ्यानहरूको काठमाडौँ आउँदा रु.६५
कार/भ्यानहरूको काठमाडौँबाट जाँदा रु.६०,
मिनी बस ट्रकको काठमाडौँ आउँदा रु.११५
मिनी बस ट्रकको काठमाडौँबाट जाँदा रु.८०,
बस/ट्रकको काठमाडौं आउँदा रु.२६०
बस/ट्रकको काठमाडौंबाट जाँदा रु.२००,
भारी उपकरणको काठमाडौं आउँदा रु.६००
भारी उपकरणको काठमाडौंबाट जाँदा रु.२५०
सरकारले राष्ट्रिय आर्टिफिसियल इन्टेलिजेन्स (एआई) नीति, २०८२ स्वीकृति गरेको छ।
यस्ता छन् मन्त्री परिषदका १८ निर्णयहरु
प्रधानमन्त्री तथा मन्त्रिपरिषद्को कार्यालयको प्रस्तावअनुसार २०८२ भदौ १५ देखि २१ गतेसम्म मधेश प्रदेशका मुख्यमन्त्रीलाई स्विट्जरल्यान्ड भ्रमण स्वीकृत गरिएको छ।
अर्थ मन्त्रालयमार्फत फिलिपिन्समा हुने ASOSAI BUSS कार्यशालामा उपमहालेखा परीक्षकको सहभागिता स्वीकृत गरिएको छ भने दक्षिण कोरियाबाट प्राप्त हुने करिब ९ अर्ब २५ करोड नेपाली रुपैयाँ बराबरको अनुदान सहयोग स्वीकार गरिएको छ।
उद्योग, वाणिज्य तथा आपूर्ति मन्त्रालयले आर्थिक वर्ष २०८२/८३ का लागि मोटा धानको न्यूनतम समर्थन मूल्य प्रतिक्विन्टल ३६ हजार १३३ रुपैयाँ तोकेको छ।
उर्जा, जलस्रोत तथा सिंचाइ मन्त्रालयको प्रस्तावअनुसार दक्षिण कोरियामा हुने Global Infrastructure Cooperation Conference 2025 मा सहभागिता स्वीकृत गरिएको छ।
भूमि व्यवस्था, सहकारी तथा गरिबी निवारण मन्त्रालयका तर्फबाट राष्ट्रिय सहकारी नियमन प्राधिकरणमा सदस्य नियुक्ति, बझाङ, तेह्रथुम र बाजुरामा सरकारी जग्गा भवन निर्माणका लागि प्रयोग गर्ने निर्णय भएको छ।
भौतिक पूर्वाधार तथा यातायात मन्त्रालयलाई फिलिपिन्समा हुने एशिया–प्रशान्तीय सडक सुरक्षा सम्मेलनमा सहभागी हुने अनुमति दिइएको छ।
रक्षा मन्त्रालयमार्फत नेपाली सेनाका एक जना उपरथीको वैदेशिक भ्रमण स्वीकृत भएको छ।
शिक्षा, विज्ञान तथा प्रविधि मन्त्रालयलाई ब्राजिलमा हुने Second Global Summit of the School Meals Coalition मा सचिवालय स्तरको सहभागिता अनुमति दिइएको छ।
श्रम, रोजगार तथा सामाजिक सुरक्षा मन्त्रालयलाई व्यवसायिक तालिमका लागि आवश्यक बजेट स्वीकृत भएको छ भने संस्कृति, पर्यटन तथा नागरिक उड्डयन मन्त्रालयमार्फत ICAO को ४२ औं अधिवेशनमा सहभागिता गर्ने निर्णय भएको छ।
यसबाहेक, राष्ट्रिय समाचार समितिको महाप्रबन्धकमा पद्मा श्री सन्दीप राय पौँज्यालाई नियुक्त गर्ने, सार्वजनिक खरीद ऐन अन्तर्गत आवश्यक निर्देशन जारी गर्ने, यातायात सुरक्षामा प्रयोग हुने शुल्क तोक्ने र राष्ट्रिय एआई नीति–२०८२ स्वीकृत गर्ने निर्णय समेत भएको छ।
