धादिङ
“साहित्य, कला र संस्कृतिको प्रवर्धन, वागमती सभ्यताको सम्बर्धन” भन्ने मूल नारा सहित वागमती प्रदेशको पर्यटन तथा संस्कृति मन्त्रालयको आयोजना र धादिङ्ग स्थित सबै सरोकारवालाको संयोजनमा फाल्गुन १६ र १७ गते बागमति प्रदेश स्तरीय बागमति साहित्य महोत्सबको तयारी पुरा भएको छ ।
धादिङबेसीमा हुने बागमति साहित्य महोत्सबको जानकारी दिन आइतबार आयोजित पत्रकार सम्मेलनमा आयोजक समितिको तर्फबाट तयारी भइरहेको र केही विषय अझै छलफल गरेर थपघट गरिने मन्त्रालयका सचिव दिपेन्द्र सुवेदीले जानकारी दिँदै स्थानीय स्तरमा यति धेरै सहयोग र सद्भाव भएकोले कार्यक्रम सफल पार्न सबैको सहकार्य हुने विस्वास गर्नुभयो ।
पत्रकार सम्मेलनमा प्रमुख अतिथि वागमती प्रदेशको पर्यटन तथा संस्कृति मन्त्री बिमल ठकुरीले बागमति प्रदेशलाई समेटेर गरिने साहित्य महोत्सब पहिलो पटक भएकोले यसले बागमति प्रदेशमा प्रज्ञा प्रतिष्ठान बनाउने प्रेरणा समेत मिलेको बताउनुभयो ।
बागमती साहित्य महोत्सवमा ११ ओटा प्यानल डिस्कसन, एक काब्य सन्ध्या, एक गजल सन्ध्या, एक सृजनात्मक सत्र हुने तयारी आयोजकले गरेको र प्यानल डिस्कसनमा सहभागि हुनेहरुलाई निम्ता गरिसकेको कार्यक्रम संयोजन समितिका संयोजक विष्णु आचार्यले जानकारी दिनुभयो ।
“साहित्य, कला र संस्कृतिको प्रवर्धन, वागमती सभ्यताको सम्बर्धन” को विषयमा डा. दिनेश राज पन्त, प्रकाश सायमी, बाल साहित्य, श्रीजना कला, हाम्रो दायित्वको विाषयमा कृतिका लौडारी, समिक्षा अधिकारी र अंशिका जोशी, हाम्रो भाषामा समसामयिकताको प्रश्नः आवस्यकता र औचित्यताको प्रश्न विषयमा डा. बलदेव अधिकारी, प्रा.डा. राम प्रसाद दाहाल, घट्दो पठन संस्कृतिः स्थानीय सरकारको दायित्व पूर्ण कि अपूर्ण ? अबको यात्रा ? विषयमा भिम प्रसाद ढुंगाना, रेणु दाहाल र अशोक व्यञ्जु, लेखनमा विषय चयनः चयन हुनुपर्ने र छुट्नुपर्नेका निफन नाफन विषयमा नयनराज पाण्डे, पुरु लम्साल र नवराज लम्साल रहनेगरि प्यानलिक्ष्ट समेत तया गरिएको आचार्यले जानकारी दिनुभयो ।
यसैगरि हरि प्रसादका चित्रकलाः रैथाने संस्कृतिको प्रतिबिम्ब विषयमा हरिप्रसाद शर्मा र डा बिष्णु प्रसाद शर्मा, नेपालमा नारि लेखनः अनुभव र अनुभूतिको कसीमा विषयमा सरिता तिवारी, कुमारी लामा र सन्जीब उप्रेती, साहित्यमा पर्यावरण प्रयोगः आवस्यकता, औचित्य र प्रभाव विषयमा डा अम्मरराज जोशी, डा. गीता त्रिपाठी र डा. रोशन सेरचन,समालोचनाको वर्तमानः आशाप्रद वा आशयप्रद ? विषयमा डा ज्ञानु पाण्डे, महेश पौड्याल र रमेश प्रभात, भविष्य द्रष्टाहरुमा अध्ययनशिलताको सवालः बर्तमान अवस्था र भबिष्यको दिशा विषयमा राम कुमारी झाँक्री, महेश बर्तौला, सरल सहयात्री र कैलाश कोइराला, मोफसलको साहित्य यात्रा ः कति घाम कति छाँया ? विषयमा चन्द्र प्रसाद न्यौपाने, निमेष निखिल र प्रोल्लास सिन्धुलिय, प्यानलिष्ट रहनेगरि दुई दिने साहित्य महोत्सबको तयारी गरिएको छ ।
साहित्य महोत्सबको अबसरमा प्रतिनिधिमुलक लोकसाँस्कृति प्रस्तुती रहने छ भने केही प्रकाशन गृहको पुस्तक मेला समेत हुने आयोजकले जनाएको छ ।